Elín, Ólöf og Rósa - klappa, stappa og syngja eins og englar
Þrjár er sönghópur sem samanstendur af þremur söngkonum, þeim Elínu Ásbjarnardóttur, Ólöfu Hugrúnu Valdimarsdóttur og Rósu Ásgeirsdóttur.
Allar byrjuðu þær að syngja ungar að aldri en síðan þá hafa þær verið í hinum ýmsu söngverkefnum, kórum, hljómsveitum og söngleikjum. Árið 2015 hófu þær samstarf undir nafninu Þrjár og taka að sér að flytja skemmtileg lög við flest tilefni. Þær eru að mestu acapella hópur en eiga það til að skreyta lögin með allskyns klappi, stappi og litlum hljóðfærum.
