Leikhópurinn Lotta – 20 ár af fjöri, söng og fagmennsku

Leikhópurinn Lotta fagnar 20 ára afmæli í ár. Hann er landsþekktur fyrir líflegar, hlýjar og bráðfyndnar sýningar sem sameina leik, söng og dans. Hópurinn er sérstaklega þekktur fyrir fullorðinshúmorinn sem laumast inn í sýningarnar – sem gerir það að verkum að foreldrum finnst ekki síður gaman en krökkunum. Þetta er fjölskylduskemmtun í orðsins fyllstu merkingu.

Hér eru tveir vinsælir kostir sem henta ólíkum viðburðum – frá stórum sumarsýningum til stuttra, kraftmikilla skemmtiatriða:

LITALAND – sýning sumarsins

Heil sýning • klukkutími

Litaland er ein vinsælasta sýning Leikhópsins Lottu frá upphafi. Hún var síðast sett upp árið 2016 og snýr nú aftur í endurgerð sem ferðast um landið þvert og endilangt í sumar.
Sýningin er klukkutími að lengd, stútfull af sprelli, söng og fjöri – litrík og lifandi upplifun fyrir allan aldur, með mikilvægan boðskap og hentar bæði börnum og fullorðnum.

SÖNGVASYRPA – ævintýri í 20 mínútur

Skemmtiatriði • 2 leikarar

Söngvasyrpan er stutt, kraftmikil og einstaklega vinsæl, sérstaklega á leikskólum. Tvær ævintýrapersónur mæta með 20 mínútna atriði úr ævintýraskógi Lottu – brot af því besta í gegnum árin, fullt af söng, sprelli og fjöri fyrir allan aldur.

Syrpan er auðveld í uppsetningu og aðlögunarhæf að hvaða aðstæðum sem er, bæði innandyra og utandyra – á stóru sviði eða í litlu horni á leikskólalóðinni. Leikhópurinn Lotta á mikið af söngvasyrpum og er því hægt að panta fleiri en eina og fleiri en tvær á viðburðinn. Einnig er hægt að bjóða upp á söngvasyrpu með Leikhópnum Lottu ár eftir ár án þess nokkurn tímann að bjóða upp á sama atriðið. 

Hvort sem þú ert að leita að heilli sýningu eða snörpu skemmtiatriði, þá er Leikhópurinn Lotta öruggur kostur fyrir fjör, fagmennsku og skemmtun sem öll fjölskyldan nýtur.