Sigga Eyrún – veislustjóri og söngkona sem lyftir stemningunni

Sigga Eyrún er reynslumikill veislustjóri og öflug söngkona sem sameinar hlýja framkomu, örugga stjórn og lifandi tónlist á fágaðan en skemmtilegan hátt. Hún les salinn vel, heldur dagskránni gangandi og veit nákvæmlega hvenær á að ýta undir stemningu – og hvenær á að sleppa henni lausri.

Sigga Eyrún & Karl Olgeirsson – meiri lifandi tónlist

Sigga getur einnig veislustýrt með Karli Olgeirssyni, sem kemur með hljómborð eða rafmagnspíanó ef píanó er ekki á staðnum. Saman bjóða þau upp á fjölbreytta og lifandi tónlistarupplifun:

Lifandi undirleik og söng

Samsöng (sing-along) ef óskað er

Dinnertónlist eða tónlist í fordrykk (jazz, popp, poppað jazz o.fl.)

Tónlistargetraunir og leiki – sérstaklega vinsælt á árshátíðum

Skothelt tónlistaratriði sem dregur alla út á dansgólfið eftir mat

Hægt að setja saman hljómsveit fyrir ball ef óskað er

Sigga Eyrún – sóló

Sigga getur einnig séð ein um veislustjórn og tónlistaratriði með undirspili á playbacki. Hún er með tryllta syrpu (15–20 mínútur, nokkrar útgáfur) sem hún hefur sungið á böllum til að koma fólki út á dansgólfið – og það hefur aldrei klikkað.